Guardiola framlengir við Barcelona í dag

Pep Guardiola mun skrifa undir nýjan samning við Barcelona í dag en þjálfarinn sigursæli var samningslaus og ekki víst hvort hann myndi halda áfram með liðið.

Þessi 39 ára þjálfari hefur landað sjö titlum á tveimur árum með Barcelona. Þar af tveimur meistaratitlum á Spáni sem og Meistaradeildartitli.

Forsetakosningar hjá félaginu gerðu það að verkum að ekki var gengið fyrr frá málinu en Barcelona staðfestir í dag að nýr samningur sé klár og að skrifað verði undir hann í dag.