Ólína í nýrri stöðu á miðjunni á móti Portúgal - byrjunarliðið klárt

Sigurður Ragnar Eyjólfsson, þjálfari kvennalandsliðsins hefur tilkynnt byrjunarliðið sitt á móti Portúgal en liðin mætast þá í leik um níunda sætið á Algarve-mótinu.

Leikurinn fer fram kl. 13:00 á aðalleikvangi Algarve-svæðisins, Estadio Algarve, sama leikvangi og úrslitaleikur mótsins fer fram seinna um daginn.

Leikaðferðin er 4-2-3-1 eða 4-5-1, með fjögurra manna vörn, tvo varnartengiliði, sókndjarfa kantmenn, sóknartengilið og einn framherja.

Ólína Guðbjörg Viðarsdóttir kemur inn á miðjuna í nýja stöðu varnartengiliðs en í stað hennar mun Thelma Björk Einarsdóttir byrja sinn fyrsta A-landsleik í stöðu vinstri bakvarðar.

Byrjunarliðið á móti Portúgal

Markvörður

Þóra Björg Helgadóttir

Hægri bakvörður

Sif Atladóttir

Vinstri bakvörður

Thelma Björk Einarsdóttir

Miðverðir

Katrín Jónsdóttir (fyrirliði) og Erna Björk Sigurðardóttir

Varnartengiliðir

Sara Björk Gunnarsdóttir og Ólína Guðbjörg Viðarsdóttir

Sóknartengiliður

Dagný Brynjarsdóttir

Hægri kantmaður

Rakel Hönnudóttir

Vinstri kantmaður

Hólmfríður Magnúsdóttir

Framherji

Margrét Lára Viðarsdóttir