Keflavík og Snæfell bæði með nýja leikmenn á morgun

Útlit er fyrir að bæði Keflavík og Snæfell muni skarta nýjum erlendum leikmönnum þegar liðin mætast í Subway-bikarnum í Keflavík á morgun en vefmiðillinn Karfan.is greindi frá fregnunum í gærkvöldi.

Hólmarar hafa fengið til sín Martins Berkis sem er tveggja metra hár og er ætlað að fylla skarð Pálma Freys Sigurgeirssonar sem verður ekkert meira með Snæfelli á tímabilinu vegna meiðsla.

Keflvíkingar hafa aftur á móti fengið Urule Igbavboa sem er stór og stæðilegur miðherji.

Keflavík og Snæfell tóku létta upphitun fyrir bikarleikinn, sem hefst kl. 15 á morgun, í vikunni þar sem Snæfell vann tuttugu stiga sigur í Hólminu, 106-86.