Helgi Valur samdi við Hansa Rostock

Helgi Valur Daníelsson varð í dag annar landsliðsmaðurinn sem skrifar undir samning við þýska félagið Hansa Rostock. Hann er búinn að skrifa undir samning við félagið til ársins 2013. Mbl.is greindi frá þessu í dag.

Garðar Jóhannsson hafði þegar skrifað undir samning við félagið fyrr í vikunni.

Helgi Valur kemur til Hansa frá sænska félaginu Elfsborg þar sem hann hefur leikið mjög vel síðustu tvö ár.

Þeir félagar gætu leikið sinn fyrsta leik fyrir félagið annað kvöld er Hansa spilar gegn 1860 Munchen.