Treyjan hans Kobe vinsælust

Kobe Bryant er vinsælasti leikmaðurinn í NBA-deildinni því annað árið í röð seldist treyjan hans, með númerinu 24, mest allra. NBA greindi frá þessu í dag.

Næstvinsælasta treyjan var treyja LeBron James og þriðji vinsælasti leikmaðurinn er Kevin Garnett. Derrick Rose hjá Chicago Bulls náði fjórða sæti sölulistans í ár og Dwight Howard hjá Orlando varð fimmti.

Kevin Durant hjá Oklahoma komst í fyrsta skipti á topp tíu listann og endaði í níunda sæti. Carmelo Anthony stökk síðan úr fimmtánda sæti í það tíunda.

Lakers er líka vinsælasta lið deildarinnar og varningur tengdur liðinu seldist langmest í ár rétt eins og síðustu ár. Lakers-varningur hefur verið heitastur í sölu í sjö af síðustu átta árum.

Vinsælustu treyjurnar:

1. Kobe Bryant

2. LeBron James

3. Kevin Garnett

4. Derrick Rose

5. Dwight Howard

6. Dwayne Wade

7. Chris Paul

8. Paul Pierce

9. Kevin Durant

10. Carmelo Anthony