Zlatan: Real miklu sterkara eftir að Mourinho kom

AC Milan var yfirspilað af Real Madrid í gær og framherji Milan, Zlatan Ibrahimovic, var afar svekktur með sitt lið.

"Við mættum með rétt hugarfar til leiks en það gekk ekki upp. Við eigum sem betur fer annan leik inni gegn þeim á heimavelli og við höfum nægan tíma til að fara yfir hvað klikkaði hjá okkur," sagði Svíinn sem hrósaði Real.

"Liðið er orðið mjög þétt hjá Mourinho og það stýrir leikjum vel. Real hefur alltaf verið gott lið en er enn sterkara síðan Mourinho kom. Það er allt annað að sjá liðið."