Ronaldinho er besti leikmaður heims

Hinn brasilíski þjálfari AC Milan, Leonardo, er afar ánægður með landa sinn, Ronaldinho, sem hefur blómstrað í búningi Milan í vetur.

Ronaldinho fór enn og aftur á kostum um helgina er hann skoraði þrennu fyrir Milan.

„Ronaldinho hefur alltaf verið kátur og hamingjusamur sem knattspyrnumaður. Þannig hefur hann alltaf viljað hafa það. Hann er besti knattspyrnumaður heims og hefur fundið hungrið á nýjan leik," sagði Leonardo.

„Hann má líka þakka liðsfélögum sínum sem gáfust ekki upp á honum er hann var að gera mistök. Þeir studdu hann í staðinn og það er skila sér."

Milan er sex stigum á eftir Inter í ítölsku deildinni en hefur leikið einum leik færra. Liðin mætast í næstu umferð.