Drogba missir af leiknum gegn Spartak Moskvu

Didier Drogba verður ekki með þegar að Chelsea mætir Spartak Moskvu í Meistaradeild Evrópu á þriðjudagskvöldið.

Drogba hefur verið að glíma við veikindi í vikunni og hefur verið að taka sýklalyf síðustu daga. Hann er á batavegi en hefur ekki æft nægilega mikið að mati Carlo Ancelotti, stjóra Chelsea. Hann lék ekki með Chelsea gegn Aston Villa í dag.

„Ég myndi gjarnan vilja að Didier gæti spilað á þriðjudaginn en hann hefur ekkert æft í vikunni og hann þarf að æfa," sagði Ancelotti.

Hann bætti við að Drogba yrði eftir á Englandi og myndi halda áfram að æfa þar.

„Þetta verður í góðu lagi þar sem að Salomon Kalou verður með okkur í þessum leik."