Birna valin best - í sigurvímu

Birna Valgarðsdóttir var valinn besti leikmaður úrslitaleiksins í Powerade-bikarkeppni kvenna þar sem Keflavík vann KR, 72-62.

Í viðtali við Vísi eftir leikinn var hún vitaskuld himinlifandi eins og sjá má í myndskeiðinu hér fyrir ofan.

„Ég er að kafna úr hamingju. Ég er svo stolt af liðinu og þjálfaranum. Þetta var frábært,“ sagði Birna.

„Síðustu tvö ár höfum við farið úr þessum leik með tap á bakinu og það kom einfaldlega ekki til greina að gera það aftur í dag. Ég hefði ekki nennt því.“

Hún sagði að varnarleikur liðsins í síðari hálfleik hafi gert gæfumuninn.

„Við fórum að spila okkar leik og vörnin varð eins og hún á að vera. Liðsheildin var sterk og þegar þetta er í lagi þá kemur sóknarleikurinn með.“