Alfreð: Við sungum football is coming home í klefanum

Það var afar gott hljóðið í Alfreð Finnbogasyni eftir frábæran sigur íslenska U-21 árs liðsins á Englandi í Preston í kvöld.

Alfreð átti hreint út sagt frábæran leik fyrir íslenska liðið og var besti maður vallarins.

"Þetta var ekki auðvelt en samt auðveldara en ég átti von á. Við spiluðum eins og við vildum og getum. Þá leit þetta út fyrir að vera auðvelt," sagði Alfreð.

Íslenska liðið fagnaði vel í leikslok og stríddi Englendingum svolítið.

"Við tókum "siggi saggi" og sungum síðan "football is coming home". Við vorum aðeins að minna Englendingana á að fótboltinn væri á leið heim til Íslands," sagði Alfreð kíminn.