Teitur: Mætum klárir í næsta leik

"Við hefðum alveg eins getað tapað þessum leik með 70 stiga mun, staðan er bara 1-0 og það er það sem skiptir máli," sagði Teitur Örlygsson, þjálfari Stjörnunnar, eftir tapið gegn KR-inum í kvöld. KR vann Stjörnuna 108-78 í fyrsta leik liðanna um Íslandsmeistaratitilinn. "Við erum að fara á okkar heimavöll og fáum tækifæri til að gera betur. Í byrjun þriðja leikhluta þá missum við aðeins jafnvægið í okkar leik og þá koma þeir í bakið á okkur, en það var akkúrat það sem við vildum alls ekki," sagði Teitur.