Kúbverjinn Dayron Robles hefur verið sviptur gullverðlaunum sínum í 110 metra grindahlaupi. Robles virtist snerta Kínverjann Liu Xiang þegar hann var í forystu og hefur nú verið refsað fyrir það.
Ákvörðunin þýðir að Bandaríkjamaðurinn Jason Richardson fær gullverðlaun, Xiang fær silfur og Englendingurinn Andy Turner náði í bronsverðlaun.
Kúbverjar eru allt annað en sáttir við ákvörðunina og hyggjast áfrýja úrskurðinum.
Robles sviptur gullverðlaunum sínum í 110 metra grindahlaupi
Tengdar fréttir
Robles vann sigur í 110 metra grindahlaupi - rakst utan í Xiang
Kúbverjinn Dayron Robles kom fyrstur í mark í 110 metra grindahlaupi karla á heimsmeistaramótinu í frjálsum íþróttum í Suður-Kóreu. Ólympíumethafinn hljóp á tímanum 13.14 sekúndur.
