Fótbolti

Napoli sigraði AC Milan - Cavani með þrennu

Stefán Árni Pálsson skrifar
Cavani setur boltann í netið gegn AC Milan í kvöld.
Cavani setur boltann í netið gegn AC Milan í kvöld.
Napoli hafði betur í stórleiknum gegn AC Milan í ítölsku seríu A-deildinni í kvöld, en leiknum lauk með 3-1 sigri heimamanna í Napoli.

Edinson Cavani fór á kostum í liði Napoli, en hann gerði öll mörk liðsins og þar með þrennu.



Alberto Aquilani, leikmaður AC Milan, kom gestunum yfir eftir rúmlega tíu mínútna leik, en þá tók

Cavani við og kláraði ítölsku meistarana.

Napoli er í efsta sæti deildarinnar með fullt hús stiga eftir tvær umferðir en AC Milan hefur aðeins náð í eitt stig og er heldur neðarlega, en mótið reyndar rétt að byrja.

Ítalski boltinn

Mest lesið


Fleiri fréttir

Sjá meira


×

Mest lesið