Veigar Páll hafði betur gegn Stefáni Loga

Vålerenga vann Lillestrøm 1-0 í norsku úrvalsdeildinni í kvöld, en leikurinn fór fram á Åråsen-vellinum í Lillestrøm.

Stefán Logi Magnússon var á milli stanganna fyrir Lillestrøm en hann lék allan leikinn. Veigar Páll Gunnarsson var tekinn útaf fimm mínútum fyrir leikslok í liði Vålerenga.

Eina mark leiksins skoraði Håvard Nielsen, leikmaður Vålerenga. Vålerenga er í fjórða sæti deildarinnar með 35 stig en Lillestrøm er í því tíunda fjórum stigum á eftir Vålerenga.