Gylfi spilaði í sigurleik

Gylfi Þór Sigurðsson spilaði fyrstu 63 mínúturnar er lið hans, Hoffenheim, vann 3-1 sigur á Wolfsburg í þýsku úrvalsdeildinni í dag.

Gylfi fékk dauðafæri í stöðunni 2-0 en náði ekki að skora. Það kom þó ekki að sök þar sem að sigur Hoffenheim var öruggur en þetta er besta byrjun liðsins í þýsku úrvalsdeildinni frá upphafi.

Liðið er komið með tólf stig og er í fjórða sæti deildarinnar með tólf stig, einu stigi á eftir toppliðum Bremen og Gladbach. Bayern München er einnig með tólf stig en á leik til góða.

Úrslit dagsins:

Leverkusen - Köln 1-4

Hamburg - Gladbach 0-1

Hertha Berlin - Augsburg 2-2

Hoffenheim - Wolfsburg 3-1

Nürnberg - Bremen 1-1