ISS selt til bresks félags fyrir 950 milljarða

Búið er að selja danska hreingerningarisann ISS fyrir 44,3 milljarða danskra kr. eða sem svarar til rúmlega 950 milljarða kr. Kaupandinn er breska öryggisfyrirtækið G4S.

Þessi sala kom sérfræðingum á fjármálamarkaðinum danska verulega í opna skjöldu, að því er segir í dönskum fjölmiðlum úi morgun. Talið var að ISS væri á leið í kauphöllina í Kaupmannahöfn og að unnið væri að skráningu félagsins þar. Ætlunin er að skrá sameinað félag ISS og G4S á markað bæði í Kaupmannahöfn og London.

Það var Wallenberg fjölskyldan í Svíþjóð sem átti ISS í gegnum EQT fjárfestingasjóð sinn.