Ferguson: Er ekki að fara að breyta Rooney í miðjumann

Sir Alex Ferguson, stjóri Manchester United, hefur oft séð sína menn spila betur en í 2-0 sigri á rúmenska liðinu Otelul Galati í Meistaradeildinni í kvöld en sigurinn kom United-liðinu á topp riðilsins.

„Það var mikilvægt að vinna þennan leik. Móherjar okkur voru mjög grimmur og vörðust vel," sagði Alex Ferguson.

„Þetta er bara undir okkur komið. Ef við vinnum Benfica þá vinnum við riðilinn," sagði Ferguson sem notaði Wayne Rooney á miðjunni í kvöld.

„Það er bara sammtímalausn að nota hann á miðjunni og ég ætla ekki að fara að breyta Rooney í miðjumann. Við þurftum aðeins að endurskipuleggja miðjuspilið af því að okkur vantar svo marga leikmenn af miðjusvæðinu," sagði Ferguson.