Google finnur undarleg mannvirki í Góbí eyðimörkinni

Tölvufyrirtækið Google hefur birt myndir sem gervitungl þess tók yfir Góbí eyðimörkinni í Kína. Myndirnar voru teknar þegar gervitunglið vann að uppfærslu á Google Maps forritinu.

Myndirnar sýna undarleg mannvirki og óljóst er hvaða hlutverki þau gegna. Jafnframt er afar erfitt að greina úr hverju byggingarnar eru gerðar.

Mannvirkin eru staðsett á mörkum Gansu-héraðsins og Xinjian. Yfirvöld í Kína hafa lengi notað þetta tiltekna landsvæði undir framleiðslu á hernaðar-, geimferða- og kjarnorkubúnaði.

Ýmsar kenningar eru á lofti um tilgang mannvirkjanna. Margar samsæriskenningar hafa myndast í kjölfarið á uppgötvuninni, þar á meðal eru kenningar um að mannvirkin svipi til gatnakerfa vestrænna borga. Aðrir benda á að Kínverjur þyrftu varla að reisa æfingarsvæði í raunstærð til að æfa árásir.

Það gæti hins vegar hugsast að Kínverjar séu að teikna stærsta QR-kóða veraldar - en hver veit?