Zlatan kominn með hundrað mörk í ítölsku deildinni

Zlatan Ibrahimovic skoraði sitt hundraðasta mark í ítölsku úrvalsdeildinni í gær en þessi frábæri sænski framherji skoraði þá tvö mörk í 4-0 sigri AC Milan á Chievo.

Fyrra mark Zlatans í leiknum var það hundraðasta en hann lyfti þá boltanum skemmtilega yfir markvörð Chievo. Seinna markið hans kom síðan úr vítaspyrnu.

Zlatan Ibrahimovic kom fyrst til Ítalíu árið 2004 og spilaði fyrstu tvö tímabilin með Juventus. Hann skoraði 23 mörk í 69 leikjum í Seríu A með Juve.

Ibrahimovic fór þaðan til Inter Milan þar sem að hann skoraði 57 mörk í 88 leikjum á þremur tímabilum.

Hann kom síðan til AC Milan eftir eitt tímabil með Barcelona og hefur þegar skorað 21 mörk í 37 deildarleikjum með AC Milan þar af 7 mörk í aðeins 9 leikjum á þessu tímabili.

Það er hægt að sjá samantekt með öllum mörkunum hans Zlatan á Youtube og það verður enginn svikinn af því að sjá sænska snillinginn í markastuði. Fyrri hlutinn er aðgengilegur með því að smella hér fyrir ofan og sá seinni með því að smella hér.