Nani: Við óttumst ekki stóru liðin

Jafnteflið gegn Benfica í gær gerir það að verkum að Man. Utd er ekki öruggt um sæti í 16-liða úrslitum Meistaradeildar Evrópu. Það sem meira er þá mun liðið væntanlega enda í öðru sæti riðilsins ef það á annað borð kemst áfram.

Það þýðir einfaldlega að United mun væntanlega fá gríðarlega erfiðan andstæðing í 16-liða úrslitunum. Líklegir mótherjar eru Barcelona, Real Madrid, Bayern Munchen eða Inter.

"Það er ekkert vandamál að mæta stóru liði í 16-liða úrslitunum. Ef við viljum komast aftur í úrslit þá þarf að leggja þessi stóru lið af velli," sagði Portúgalinn Nani.

"Við erum vissulega búnir að gera okkur erfitt fyrir en við verðum að taka því."