Messi: Myndi frekar hætta í fótbolta en að spila með Real

Lionel Messi, Argentínumaðurinn í liði Barcelona og besti knattspyrnumaður heims síðustu tvö ár, segir að hann muni aldrei spila með erkifjendunum í Real Madrid. Hann ætlar því ekki að fylgja í fótspor þeirra Michael Laudrup og Luis Figo sem léku með báðum liðum á sínum ferli.

„Ég myndi frekar hætta í fótbolta en að spila með Real Madrid," sagði Lionel Messi í viðtalið við sænska blaðið Sport. Messi er búinn að skora 31 mark í 28 leikjum í öllum keppnum á þessu tímabili.

Lionel Messi hefur farið á kostum í mörgum leikjunum á móti Real Madrid síðustu ár og er alls búinn að skora sex mörk á móti Real-liðinu þar á meðal er þrenna hans í 3-3 jafntefli í mars 2007.

Barcelona er búið að vinna fimm síðustu deildarleiki sína á móti Real Madrid og nú síðast vann liðið 5-0 stórsigur í leik liðanna í lok nóvember.