Barcelona, AC Milan og Arsenal geta komist áfram í kvöld

Barcelona, AC Milan og Arsenal tryggja sér öll sæti í 16 liða úrslitum Meistaradeildarinnar með sigri í leikjum sínum í kvöld og Chelsea og Bayer Leverkusen komast líka áfram með hagstæðum úrslitum.

Bæði AC Milan og Barcelona eru á útivelli og geta náð níu stiga forskoti á hin liðin í riðlinum. AC Milan heimsækir BATE Borisov en Barcelona mætir Viktoria Plzen í Tékklandi.

Arsenal fær Marseille í heimsókn á Emirates, en þarna mætast tvö efstu liðin. Arsenal kemst í tíu stig með sigri og gulltryggir sæti sitt í 16 liða úrslitunum. Chelsea og Bayer Leverkusen eru bæði á útivelli og komast bæði áfram ef þau klára sína leiki. Chelsea heimsækir Genk en Leverkusen spilar við Valencia á Spáni.

Leikir kvöldsins (stig til þessa)

E: Valencia (2)-Leverkusen (6) - Stöð 2 Sport 4

E: Genk (1)-Chelsea (7) - Stöð 2 Sport3

F: Arsenal (7)-Marseille (6) - Stöð 2 Sport

F: Dortmund (1)-Olympiakos (3)

G: Zenit (4)-Shakhtar (2) - 17.00 á Stöð 2 Sport

G: Apoel Nicosia (5)-Porto (4)

H: Bate Borisov (1)-AC Milan (7)

H: Viktoria Plzen (1)-Barcelona (7)