Bradley Cooper kynþokkafyllstur í heimi - listi yfir 10 efstu

Bandaríska tímaritið People hefur valið tíu kynþokkafyllstu karlmenn í heimi en kapparnir eiga það sameiginlegt að vera úr leikarabransanum.

Það vekur athygli að hvorki Johnny Depp né Brad Pitt er að finna á listanum en þeir hafa átt fast sæti á listum á borð við þennan síðustu ár. Nokkur ný og óþekkt nöfn eru á listanum en leikarinn Bradley Cooper trónir á toppnum.

1. sæti

Bradley Cooper

„Er verið að gera at í mér?" spurði hinn 36 ára leikari þegar hann fékk að vita að hann hefði verið kjörinn kynþokkafyllsti leikari í heimi. Hann hefur meðal annars leikið í Hangover 1 og 2.









2. sæti

Liam Hemsworth

Þessi ungi ástralski leikari hefur tekið Hollywood með trompi ásamt bróður sínum Chris, og ekki skemmir fyrir að kappinn er með unglingastjörnunni Miley Cyrus. Hann leikur í myndinni The Hunger Game sem verður frumsýnd á næsta ári.

3. sæti

Idris Elba

Breski leikarinn, sem er þekktur fyrir leik sinn í þáttaröðinni The Wire, var tilnefndur til Emmy-verðlauna fyrir BBC-sjónvarpsþáttinn Luther og sló svo í gegn á hvíta tjaldinu í myndinni Thor.

4. sæti

Justin Theroux

Nafn hans hefur heldur betur verið títt nefnt í slúðurmiðlum eftir að hann byrjaði með Jennifer Aniston á þessu ári en leikarinn hefur meðal annars leikið í Iron Man 2 og Tropic Thunder.

5. sæti

Chris Evans

Þessi þrítugi leikari vakti athygli fyrir frammistöðu sína í myndinni Captain America.

6. sæti

Tim McGraw

Kántrísöngvarinn og leikarinn Tm McGraw er greinilega vinsæll hjá Bandaríkjamönnum.

7. sæti

Josh Charles

Charles hefur slegið í gegn vestanhafs fyrir leik sinn í sjónvarpsþáttaröðinni The Good Wife.

8. sæti

Joel McHale

Leikari og grínisti sem er vinsæll núna í þáttaröðinni The Community.

9. sæti

Jason Momoa

Fyrirsæta og seinna leikari sem er giftur leikkonunni Lisu Bonet og þar með stjúpfaðir Zoe Kravitz. Hefur bæði leikið í Game of Thrones og myndinni Conan the Barbarian.

10. sæti

Ryan Gosling

Gosling hefur heldur betur verið í sviðsljósinu á þessu ári. Hann leikur í myndunum Drive, Ides of March og Crazy, Stupid, Love sem allar hafa slegið í gegn. Ýmsir hafa gagnrýnt að Gosling sé ekki hærra á listanum en sitt sýnist hverjum og hann verður að láta sér lynda tíunda sætið þetta árið.