Messías lentur í Klettafjöllunum Henry Birgir Gunnarsson skrifar 15. desember 2011 08:00 Tim Tebow hefur unnið leiki á ótrúlegan hátt og er talað um kraftaverk í þeim efnum. Hann fær alvöru próf um næstu helgi er hann mætir Tom Brady. Mynd/Nordicphotos/Getty „Hver er þessi Tim Tebow?" Það er spurning sem ansi margir hafa verið að spyrja sig undanfarnar vikur. Tebow hefur komið eins og stormsveipur inn í NFL-deildina og þó svo að flestir sérfræðingar segi að hann geti lítið og hafi ekkert að gera í NFL-deildina er hann búinn að vinna sjö leiki af þeim átta sem hann hefur spilað í deildinni. Nú eru allt í einu farnar að heyrast raddir um að velji eigi leikmanninn þann besta í NFL-deildinni. Lið Denver Broncos byrjaði leiktíðina hörmulega og vann aðeins einn af fyrstu fimm leikjum sínum. Tebow fékk tækifæri í fimmta leiknum og eftir það hefur gengi liðsins gjörbreyst þannig að Denver er búið að vinna síðustu sex leiki sína. Í mörgum þeirra hefur Tebow alls ekki verið góður. Reyndar oft hreinlega mjög lélegur. Hann hefur samt ítrekað stigið upp í lokin og klárað leiki á lygilegan hátt. Einn leik vann hann þó svo að hann hefði aðeins klárað tvær sendingar í leiknum. Slíkt á ekki að vera hægt. Kallaður "Mile High Messiah”Mynd/Nordicphotos/GettyHjá Tebow virðist allt vera hægt. Engin furða er að menn kalli hann kraftaverkamann og í Bandaríkjunum er nú talað um „Mile High Messiah", en Denver leikur sína leiki á Mile High, ekki fjarri Klettafjöllunum. Þrír af þessum leikjum hafa unnist í framlengingu, en það er met í NFL-deildinni. Ekkert lið hefur áður unnið þrjá leiki í framlengingu á einu tímabili. Tebow þurfti ekki marga leiki til. Leikir Denver með Tebow innanborðs eru ávísun á spennu og dramatík. Það er beðið eftir því að það fjari undan þessu ótrúlega gengi en Tebow virðist vart geta tapað. Það er reyndar engin nýlunda hjá leikmanninum, sem á að baki farsælan feril í háskólaboltanum. Saga þessa unga manns er einnig einstök, en bakgrunnur hans er ólíkur bakgrunni annarra leikmanna í deildinni. Foreldrarnir trúboðar og Tebow var kraftaverkabarnMynd/APHinn 24 ára gamli Tebow er fæddur í borginni Makati á Filippseyjum, þar sem foreldrar hans sinntu trúboði. Faðir hans er prestur og móðir hans var alin upp við heraga enda dóttir ofursta í bandaríska hernum. Hún veiktist afar illa er hún gekk með Tim og féll meðal annars í dá. Ástand hennar var svo slæmt að mælt var með því að hún færi í fóstureyðingu. Hún átti á hættu að deyja og búist var við því að barnið myndi fæðast andvana. Hún neitaði því. Má því segja að Tim sé kraftaverkabarn. Hann er yngstur fimm systkina og ekkert þeirra gekk í grunnskóla. Þau voru í heimaskóla hjá móður sinni, þar sem trúin var einnig í fyrirrúmi. Þarf því ekki að koma á óvart að Tim sé mjög trúaður og fari reglulega með bænir í leikjum ásamt því að biðja fyrir og eftir leik. Árið 1996 var reglum í Flórída breytt á þann hátt að krakkar í heimaskóla máttu stunda íþróttir með öðrum skólum. Þar opnaðist gluggi fyrir Tim, sem fór að spila amerískan fótbolta með framhaldsskólanum í hverfinu, en hann bjó þá í Jacksonville. Vakti snemma athygliMynd/APÍ fyrsta skólanum þar sem hann spilaði fékk hann ekki að vera leikstjórnandi og því skipti hann um skóla. Reyndar þurfti hann að flytja lögheimili sitt til þess að geta spilað með skólanum. Þegar hann byrjaði að fara á kostum þar risu deilur um hvort krakkar í heimaskólum mættu spila þar sem þeir vildu. Strákurinn sýndi snemma hvað í honum bjó, en hann var þeim kostum gæddur að geta bæði kastað og hlaupið. Einnig vakti keppnisharka hans athygli, en hann lék eitt sinn heilan hálfleik fótbrotinn og spilaði vel. Hann var valinn besti framhaldsskólaleikmaður Flórída í tvígang og var í kjölfarið eftirsóttur af mörgum háskólum. ESPN sagði hann vera eitt mesta íþróttaefni í Bandaríkjunum og hann fékk líka umfjöllun í Sports Illustrated-tímaritinu. Hann ákvað á endanum að spila með Florida Gators. Hann var varaleikstjórnandi á fyrsta ári sínu í skólanum en fékk samt talsvert að spila og átti stóran þátt í því að Flórída varð Bandaríkjameistari það ár. Bestur í háskólaboltanum á öðru áriMynd/APÁ öðru ári var hann orðinn byrjunarliðsmaður. Þá var nokkuð talað um að hann kynni ekki að kasta almennilega og um það er reyndar enn rætt. Engu að síður kláraði hann 217 af 317 sendingartilraunum sínum, kastaði fyrir 29 snertimörkum og aðeins sex sinnum kastaði hann boltanum til andstæðinga. Þess utan hljóp hann um 800 metra með boltann og skoraði þannig 22 snertimörk. Hann hljóp 160 metra í einum leik. Tebow setti fjölda meta þetta tímabil og vann að lokum Heisman-bikarinn, sem er veittur besta háskólaleikmanninum í landinu. Eftirsótt og virðingarverð verðlaun. Tebow var fyrsti maðurinn í sögunni sem fékk þau strax á öðru ári sínu í háskóla. Svipað var upp á teningnum á þriðja árinu. Tebow sló hvert metið á fætur öðru og aftur varð Flórída Bandaríkjameistari. Tebow varð ekki nema þriðji í Heisman-kjörinu að þessu sinni þó svo að hann fengi flest atkvæði í fyrsta sætið. Á meðal eftirminnilegra meta sem hann sló þetta ár var met yfir flest snertimörk hlaupara hjá skólanum. Það met átti Emmitt Smith, einn besti hlaupari sögunnar, en leikstjórnandinn Tebow skákaði honum. Hugsaði meira um boltann en stelpurMynd/APMargir vildu sjá hann í NFL-valinu eftir þriðja árið en hann ákvað að klára fjórða árið í skólanum. Með aukinni fjölmiðlaumfjöllun fóru fjölmiðlar að gerast ágengari. Einn fjölmiðlamaður veiddi upp úr leikmanninum að hann væri hreinn sveinn. Fékk fjölmiðlamaðurinn miklar skammir fyrir að dreifa slíkum persónuupplýsingum. Leikmaðurinn var að hugsa um íþróttir en ekki stelpur og það sást á spilamennskunni. Í lokaleik sínum kastaði hann og hljóp samtals fyrir um 520 metrum, sem er met í úrslitaleik háskólaboltans. Þrátt fyrir frábæran háskólaferil efuðustu margir um að Tebow hefði það sem til þyrfti í NFL-deildinni. Það sást vel á því að hann var númer 25 í nýliðavalinu hjá Denver. Efasemdarmennirnir eru enn margir en Tebow vinnur þá hægt og rólega á sitt band þessa dagana. Hann er þegar búinn að koma öllum á óvart með spilamennsku sinni í vetur og verður áhugavert að sjá hvaða kraftaverk trúboðinn framkallar í framtíðinni. Stuðningsmenn Denver dýrka og dá hann og trúa því að sjálfur Messías sé lentur í Klettafjöllunum. Erlendar Mest lesið Slæm byrjun Vals hélt áfram í Garðabænum Handbolti „Ein besta markvarsla sem ég hef séð“ Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti Gísli Þorgeir bar af í Íslendingaslag kvöldsins Handbolti Raya hetjan er Skytturnar lögðu rútunni í Bergamo Fótbolti Atlético lagði sprækt lið Leipzig Fótbolti Fleiri fréttir Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Haukur komið að nítján mörkum í fyrstu tveimur leikjunum í Meistaradeildinni Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Sjá meira
„Hver er þessi Tim Tebow?" Það er spurning sem ansi margir hafa verið að spyrja sig undanfarnar vikur. Tebow hefur komið eins og stormsveipur inn í NFL-deildina og þó svo að flestir sérfræðingar segi að hann geti lítið og hafi ekkert að gera í NFL-deildina er hann búinn að vinna sjö leiki af þeim átta sem hann hefur spilað í deildinni. Nú eru allt í einu farnar að heyrast raddir um að velji eigi leikmanninn þann besta í NFL-deildinni. Lið Denver Broncos byrjaði leiktíðina hörmulega og vann aðeins einn af fyrstu fimm leikjum sínum. Tebow fékk tækifæri í fimmta leiknum og eftir það hefur gengi liðsins gjörbreyst þannig að Denver er búið að vinna síðustu sex leiki sína. Í mörgum þeirra hefur Tebow alls ekki verið góður. Reyndar oft hreinlega mjög lélegur. Hann hefur samt ítrekað stigið upp í lokin og klárað leiki á lygilegan hátt. Einn leik vann hann þó svo að hann hefði aðeins klárað tvær sendingar í leiknum. Slíkt á ekki að vera hægt. Kallaður "Mile High Messiah”Mynd/Nordicphotos/GettyHjá Tebow virðist allt vera hægt. Engin furða er að menn kalli hann kraftaverkamann og í Bandaríkjunum er nú talað um „Mile High Messiah", en Denver leikur sína leiki á Mile High, ekki fjarri Klettafjöllunum. Þrír af þessum leikjum hafa unnist í framlengingu, en það er met í NFL-deildinni. Ekkert lið hefur áður unnið þrjá leiki í framlengingu á einu tímabili. Tebow þurfti ekki marga leiki til. Leikir Denver með Tebow innanborðs eru ávísun á spennu og dramatík. Það er beðið eftir því að það fjari undan þessu ótrúlega gengi en Tebow virðist vart geta tapað. Það er reyndar engin nýlunda hjá leikmanninum, sem á að baki farsælan feril í háskólaboltanum. Saga þessa unga manns er einnig einstök, en bakgrunnur hans er ólíkur bakgrunni annarra leikmanna í deildinni. Foreldrarnir trúboðar og Tebow var kraftaverkabarnMynd/APHinn 24 ára gamli Tebow er fæddur í borginni Makati á Filippseyjum, þar sem foreldrar hans sinntu trúboði. Faðir hans er prestur og móðir hans var alin upp við heraga enda dóttir ofursta í bandaríska hernum. Hún veiktist afar illa er hún gekk með Tim og féll meðal annars í dá. Ástand hennar var svo slæmt að mælt var með því að hún færi í fóstureyðingu. Hún átti á hættu að deyja og búist var við því að barnið myndi fæðast andvana. Hún neitaði því. Má því segja að Tim sé kraftaverkabarn. Hann er yngstur fimm systkina og ekkert þeirra gekk í grunnskóla. Þau voru í heimaskóla hjá móður sinni, þar sem trúin var einnig í fyrirrúmi. Þarf því ekki að koma á óvart að Tim sé mjög trúaður og fari reglulega með bænir í leikjum ásamt því að biðja fyrir og eftir leik. Árið 1996 var reglum í Flórída breytt á þann hátt að krakkar í heimaskóla máttu stunda íþróttir með öðrum skólum. Þar opnaðist gluggi fyrir Tim, sem fór að spila amerískan fótbolta með framhaldsskólanum í hverfinu, en hann bjó þá í Jacksonville. Vakti snemma athygliMynd/APÍ fyrsta skólanum þar sem hann spilaði fékk hann ekki að vera leikstjórnandi og því skipti hann um skóla. Reyndar þurfti hann að flytja lögheimili sitt til þess að geta spilað með skólanum. Þegar hann byrjaði að fara á kostum þar risu deilur um hvort krakkar í heimaskólum mættu spila þar sem þeir vildu. Strákurinn sýndi snemma hvað í honum bjó, en hann var þeim kostum gæddur að geta bæði kastað og hlaupið. Einnig vakti keppnisharka hans athygli, en hann lék eitt sinn heilan hálfleik fótbrotinn og spilaði vel. Hann var valinn besti framhaldsskólaleikmaður Flórída í tvígang og var í kjölfarið eftirsóttur af mörgum háskólum. ESPN sagði hann vera eitt mesta íþróttaefni í Bandaríkjunum og hann fékk líka umfjöllun í Sports Illustrated-tímaritinu. Hann ákvað á endanum að spila með Florida Gators. Hann var varaleikstjórnandi á fyrsta ári sínu í skólanum en fékk samt talsvert að spila og átti stóran þátt í því að Flórída varð Bandaríkjameistari það ár. Bestur í háskólaboltanum á öðru áriMynd/APÁ öðru ári var hann orðinn byrjunarliðsmaður. Þá var nokkuð talað um að hann kynni ekki að kasta almennilega og um það er reyndar enn rætt. Engu að síður kláraði hann 217 af 317 sendingartilraunum sínum, kastaði fyrir 29 snertimörkum og aðeins sex sinnum kastaði hann boltanum til andstæðinga. Þess utan hljóp hann um 800 metra með boltann og skoraði þannig 22 snertimörk. Hann hljóp 160 metra í einum leik. Tebow setti fjölda meta þetta tímabil og vann að lokum Heisman-bikarinn, sem er veittur besta háskólaleikmanninum í landinu. Eftirsótt og virðingarverð verðlaun. Tebow var fyrsti maðurinn í sögunni sem fékk þau strax á öðru ári sínu í háskóla. Svipað var upp á teningnum á þriðja árinu. Tebow sló hvert metið á fætur öðru og aftur varð Flórída Bandaríkjameistari. Tebow varð ekki nema þriðji í Heisman-kjörinu að þessu sinni þó svo að hann fengi flest atkvæði í fyrsta sætið. Á meðal eftirminnilegra meta sem hann sló þetta ár var met yfir flest snertimörk hlaupara hjá skólanum. Það met átti Emmitt Smith, einn besti hlaupari sögunnar, en leikstjórnandinn Tebow skákaði honum. Hugsaði meira um boltann en stelpurMynd/APMargir vildu sjá hann í NFL-valinu eftir þriðja árið en hann ákvað að klára fjórða árið í skólanum. Með aukinni fjölmiðlaumfjöllun fóru fjölmiðlar að gerast ágengari. Einn fjölmiðlamaður veiddi upp úr leikmanninum að hann væri hreinn sveinn. Fékk fjölmiðlamaðurinn miklar skammir fyrir að dreifa slíkum persónuupplýsingum. Leikmaðurinn var að hugsa um íþróttir en ekki stelpur og það sást á spilamennskunni. Í lokaleik sínum kastaði hann og hljóp samtals fyrir um 520 metrum, sem er met í úrslitaleik háskólaboltans. Þrátt fyrir frábæran háskólaferil efuðustu margir um að Tebow hefði það sem til þyrfti í NFL-deildinni. Það sást vel á því að hann var númer 25 í nýliðavalinu hjá Denver. Efasemdarmennirnir eru enn margir en Tebow vinnur þá hægt og rólega á sitt band þessa dagana. Hann er þegar búinn að koma öllum á óvart með spilamennsku sinni í vetur og verður áhugavert að sjá hvaða kraftaverk trúboðinn framkallar í framtíðinni. Stuðningsmenn Denver dýrka og dá hann og trúa því að sjálfur Messías sé lentur í Klettafjöllunum.
Erlendar Mest lesið Slæm byrjun Vals hélt áfram í Garðabænum Handbolti „Ein besta markvarsla sem ég hef séð“ Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti Gísli Þorgeir bar af í Íslendingaslag kvöldsins Handbolti Raya hetjan er Skytturnar lögðu rútunni í Bergamo Fótbolti Atlético lagði sprækt lið Leipzig Fótbolti Fleiri fréttir Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Haukur komið að nítján mörkum í fyrstu tveimur leikjunum í Meistaradeildinni Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Sjá meira