Kolbeinn Sigþórsson skoraði í kvöld fimm mörk í leik með AZ Alkmaar í hollensku úrvalsdeildinni, alveg eins og Atli Eðvaldsson gerði í Þýskalandi fyrir tæpum 28 árum síðan.
Atli skoraði þá öll fimm mörkin í 5-1 sigri Fortuna Düsseldorf gegn Frankfurt þann 4. júní árið 1983.
Atli fékk mikið lof fyrir frammistöðuna í leiknum en eftir hann var honum og Pétri Ormslev, liðsfélaga hans, skutlað heim í einkaflugvél þar sem að íslenska landsliðið átti leik gegn Möltu degi síðar. Atli skoraði eina markið í 1-0 sigri Íslands.
AZ Alkmaar vann í kvöld 6-1 sigur á VVV Venlo og voru öll mörk AZ í leiknum íslensk. Kolbeinn skoraði fimm og Jóhann Berg Guðmundsson eitt. Báðir léku allan leikinn.
Kolbeinn lék eftir afrek Atla
