Knattspyrnusambönd Íslands og Frakklands hafa komið að samkomulagi um að karlalandslið þeirra leiki vináttulandsleik 27. maí næstkomandi en leikurinn fer fram í Valenciennes og er hluti af lokaundirbúning Frakka fyrir Evrópumótið í sumar. Þetta kemur fram á heimasíðu KSÍ.
Ísland og Frakkland hafa mæst tíu sinnum á knattspyrnuvellinum en síðast mættust þjóðirnar í undankeppni EM árið 1999 en þá höfðu Frakkar betur, 3–2.
Íslendingar hafa aldrei farið með sigur af hólmi gegn Frökkum, þrír leikir hafa endað með jafnefli og Frakkar hafa unnið sjö sinnum. Frakkar sitja sem stendur í 15. sæti styrkleikalista FIFA.
Þessi leikur er hluti af loka undirbúningi Frakka fyrir úrslitakeppni EM sem hefst 8. júní. Frakkar leika þar í riðli með Englandi, Svíþjóð og Úkraínu og hefja leik gegn Englandi 11. júní í Donetsk.
Leikið verður á Stade du Hainut vellinum í Valenciennes en það er nýr leikvangur sem var tekinn í notkun á síðasta ári. Völlurinn tekur um 25.000 manns í sæti.
Þetta verður væntanlega þriðji leikurinn undir stjórn Svíans Lars Lagerbäck en liðið spilar við Japan og Svartfjallaland í febrúar.
Frakkar undirbúa sig fyrir EM í fótbolta með því að mæta Íslendingum
Óskar Ófeigur Jónsson skrifar

Mest lesið

Furðar sig á fjarveru Lárusar Orra: „Finnst þetta skrítið“
Íslenski boltinn

Ná samkomulagi um kaup á Alberti
Fótbolti

Fóru yfir lætin í Kópavogi: „Höskuldur tryllist strax frá byrjun“
Íslenski boltinn

John Andrews og Björn reknir
Íslenski boltinn

Staðfesta kaupin á Alberti Guðmunds
Fótbolti

Sjáðu slagsmálin eftir jöfnunarmark Blika
Íslenski boltinn


Höskuldur fékk tveggja leikja bann eftir ofsalega framkomu
Íslenski boltinn

