KR-ingar upp í annað sætið - myndir

KR-ingar komust upp í 2. sæti Iceland Express deildar karla í kvöld með því að vinna 18 stiga sigur á Tindastól, 84-66. KR hefndu þarna fyrir tapið á móti Stólunum í undanúrslitum bikarkeppninnar á dögunum.

KR er nú eitt af fjórum liðum sem er með 24 stig í 2. til 5. sæti en Vesturbæjarliðið er eins og er með bestan árangur í innbyrðisleikjum þessara liða. Það kom sér vel fyrir KR að Keflavík tapaði í Ljónagryfjunni í Njarðvík í kvöld.

Stefán Karlsson, ljósmyndari Fréttablaðsins og Vísis, var á leiknum í DHL-höllinni í kvöld og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.