Er Jeremy Lin "blaðran“ sprunginn? | sjötti tapleikur NY Knicks í röð

Sjö leikir fóru fram í nótt í NBA deildinni í körfubolta í Bandaríkjunum. Derrick Rose skoraði 32 stig fyrri Chicago Bulls í 104-99 sigri liðsins gegn New York Knicks sem tapaði sínum sjötta leik í röð. Chicago hefur nú unnið 10 leiki í röð.

Carmelo Anthony skoraði 21 stig fyrir New York og Amare Stoudemire skoraði 20 en þeir félagar skoruðu aðeins 7 stig samtals í fjórða og síðasta leikhlutanum. „Undradrengurinn" Jeremy Lin skoraði 15 stig og gaf 8 stoðsendingar fyrir New York en hann hitti aðeins úr 4 af alls 11 skotum sínm. Og þar að auki gekk honum illa að stöðva Derrick Rose í varnarleiknum.

Paul Pierce skoraði 10 af slls 25 stigum sínum fyrir Boston í fjórða leikhluta í 94-85 sigri liðsins gegn LA Clippers í Los Angeles. Kevin Garnett skoraði 21 stig og tók 8 fráköst. Ray Allen skoraði 15 stig og Rajon Rondo skoraði 12 og gaf 10 stoðsendingar. Blake Griffin skoraði 24 stig og tók 9 fráköst fyrir heimamenn sem hafa nú tapað fjórum af síðustu fimm leikjum sínum. Chris Paul skoraði 14 stig en hann hitti aðeins úr 3 af 12 skotum sínum.

Úrslit frá því í gær:

Chicago – New York Knicks 104-99

Phoenix – Minnesota 127-124

LA Clippers – Boston 85-94

Utah – Detroit 105-90

San Antonio – Washington 112-97

New Jersey – Milwaukee 99-105

New Orleans – Charlotte 71-73