Maðurinn að baki Commodore tölvunum látinn

Maðurinn sem fann upp Commodore 64 tölvurnar er látinn. Maðurinn, sem hét Jack Tramiel lést þann 8. apríl síðastliðinn, 83 ára að aldri.

Í umfjöllun um hann á danska viðskiptavefnum epn.dk segir að nafn Tramiels sé ef til vill ekki jafn þekkt og nafn Bill Gates, Steve Jobs eða Michael Dell en áhrif hans í tölvuheiminum hafi ef til vill ekki verið minni. Markmið hans var að framleiða tölvur sem allir gætu eignast og það tókst honum því Commodore tölvurnar voru á sínum tíma vinsælustu tölvur í heiminum.

Á alfræðivefnum Wikipedia segir að Commodore tölvurnar hafi selst í meira en þrjátíu milljónum eintaka. Í myndskeiðinu hér fyrir ofan má sjá auglýsingu fyrir Commodore frá árinu 1985.