ESB: Evrulöndin gætu þurft að mynda „bankabandalag“

Framkvæmdastjórn Evrópusambandsins telur að evrulöndin 17 gætu þurft að mynda með sér „bankabandalag" til þess að takast sameiginlega á við erfiðleika fjármálageirans á svæðinu. Frá þessu er greint á vefsíðu Wall Street Journal í dag, og er þar vitnað til skýrslu frá því í morgun. Í henni er m.a. fjallað um leiðir til þess að takast á við erfiðleika sem steðja að evrulöndunum, ekki síst löndum Suður-Evrópu, Spáni, Grikklandi, Portúgal og Ítalíu, en lántökukostnaður ríkjanna og þarlendra banka hefur hækkað mikið á undanförnum vikum.

Í skýrslunni segir meðal annars að hugsanlega gæti þurft að koma til beinnar frekari fjármögnunarinnspýtingar til banka vegna erfiðleika þeirra.

Sjá má ítarlega umfjöllun Wall Street Journal um skýrsluna, hér.