Ætla að kaupa Víski fyrir 200 milljarða

Drykkjarvörurisinn Diageo ætlar sér að fjárfesta í viský framleiðslu fyrir einn milljarða punda, eða sem nemur tæplega 200 milljörðum króna, á næstu fimm árum. Frá þessu er greint á vefsíðu breska ríkisútvarpsins BBC í dag.

Um 250 varanleg störf munu skapast í Skotlandi á hverju ári vegna þessa, en ný verksmiðja verður m.a. byggð í Speyside vegna þessa.

Diageo velti um þremur milljörðum punda á síðasta rekstrarári, eða sem nemur um 600 milljörðum króna. Paul Walsh, forstjóri Diageo, segir í samtali við BBC að hann vonist til þess að fyrirtækið haldi áfram að skila góðum rekstrarárangi, en það hefur vaxið um 50 prósent á síðustu fimm árum.

Sjá má umfjöllun BBC um þessi viðskipti hér.