Þróttarar slógu Valsmenn út úr bikarnum | Myndasyrpa

Þróttur Reykjavík, sem leikur í næstefstu deild, gerði sér lítið fyrir og sló efstudeildarlið Vals út úr Borgunarbikar karla í knattspyrnu með 2-1 sigri á Valbjarnarvellinum í kvöld.

Hart var barist í Laugardalnum í kvöld og stóðu leikar 1-1 allt þar til í viðbótartíma framlengingar. Þá tryggði Karl Brynjar Björnsson, miðvörður Þróttara, liði sínu sigurinn og sætið í átta liða úrslitum keppninnar.

Anton Brink, ljósmyndari Fréttablaðsins og Vísis, leit við í Laugardalnum í kvöld.