Kvenkyns Ólympíufarar gagnrýndir fyrir vaxtarlag Kolbeinn Tumi Daðason skrifar 6. ágúst 2012 00:01 Sara Robles fagnar góðri lyftu í keppni í ólympískum lyftingum. Nordicphotos/Getty Holley Mangold, keppandi í ólympískum lyftingum, er þyngsti kvenkeppandinn á Ólympíuleikunum í London. Mangold er 157 kg að þyngd og hefur glímt við gagnrýni um að svo þung kona geti varla talist afrekskona í íþróttum. Mangold, sem keppti í +75 kg flokki í ólympískum lyftingum, er ein fjölmargra kvenkyns ólympíufara sem hafa sætt gagnrýni úr ýmsum áttum fyrir að vera of þungar. Auk Mangold hafa sundkonurnar Rebecca Adlington og Leisel Jones, leikmenn kvennalandsliðs Brasilíu í knattspyrnu og meira að segja fjölþrautarkonurnar Jessica Ennis og Louise Hazel þurft að hlusta á fullyrðingar þess efnis að þær væru of þungar eða einfaldlega feitar. „Ég tel mig og liðsfélaga minn (Sarah Robles) hafa sýnt að íþróttafólk getur verið af öllum stærðum," segir hin 22 ára gamla Mangold í samtali við Reuters-fréttastofuna. Mangold, sem hafnaði í 10. sæti af 14 keppendum í þyngdarflokki sínum, segist stolt af þyngd sinni. Ólympíuleikar kvennaÓlympíuleikarnir í London hafa verið titlaðir „Leikar kvenna" enda kepptu konur í öllum íþróttagreinum leikanna í fyrsta skipti. Þá var þátttakendum í blakkeppni kvenna í fyrsta skipti gefin kostur á að klæðast öðru en bikiní. Því skýtur nokkuð skökku við að fremstu konur leikanna, jafnvel verðlaunahafar á leikunum, þurfi að hlýða á umræðu um holdarfar sitt. Ástralska sundkonan Leisel Jones, sem unnið hefur til þriggja gullverðlauna á Ólympíuleikum, var gagnrýnd fyrir leikana í London fyrir að virka þrekvaxnari en á leikunum í Peking fyrir fjórum árum. „Ég skammast mín fyrir að ástralskir fjölmiðlar hjóla í Leisel, einn sigursælasta Ólympíufara Ástrala frá upphafi. Styðjið við íþróttafólk en ekki draga úr því þróttinn," skrifaði Melanie Schlanger landi Jones og sundkona. Flýtur um í lauginni eins og flóðhesturVonarstjarna Breta Rebecca Adlington, tvöfaldur Ólympíumeistari í Peking árið 2008 sem vann til tveggja bronsverðlauna í London, sagðist í aðdraganda leikanna ekki ætla að skoða Twitter-ummæli á meðan á leikunum stæði. Ástæðan var sú að svo mörg ummælanna væru særandi athugasemdir um útlit hennar. Á augabragði fann undirritaður eftirfarandi ummæli frá ýmsum Twitter-notendum sem var snarað yfir á íslensku. „Feita Adlington, flýtur um í lauginni eins og flóðhestur" „Hefðir þú ekki verið svona feit hefðir þú unnið." „Í viðtölum minnir Rebecca Adlington mig á feitu ljóshærðu stelpuna sem varð í síðasta sæti í sjónvarpsþættinum Take Me Out" Ummæli sem þessi eru að sjálfsögðu og sem betur fer ekki algeng en gefa mögulega hugmynd um hvers konar gagnrýni og leiðindi Adlington vissi að biðu hennar fylgdist hún með Twitter á meðan á leikunum stæði. "Á að heita að þetta fólk sé að styðja okkur“Meira að segja breska fjölþrautarkonan, Jessica Ennis, fékk sinn skerf af gagnrýni ef marka má orð þjálfara hennar í aðdraganda leikanna. Að sögn Toni Minichiello, þjálfara Ennis, hélt ónafngreindur háttsettur embættismaður innan breska frjálsíþróttasambandsins því fram að Ennis væri feit og hefði „of mikla þyngd að bera" til að ná árangri á leikunum. Ennis átti ekki í vandræðum með að hrista þá gagnrýni af sér. „Það er fyndið að heyra þetta en það skiptir mig engu máli," var haft eftir Ennis í Daily Mail. Ennis gerði sér lítið fyrir og vann til gullverðlauna í sjöþraut á Ólympíuleikunum á laugardag. Liðsfélagi hennar í frjálsíþróttaliði Breta, Louise Hazel, segist einnig hafa fengið sinn skerf af gagnrýni frá aðilum innan frjálsíþróttasambandsins. „Ég hef fengið gagnrýnina frá fyrstu hendi, einnig frá fólki innan frjálsíþróttasambandsins sem á að heita að sé að styðja okkur. Að mínu mati er sum gagnrýnin til háborinnar skammar," sagði Hazel við Guardian. Brasilísku stelpurnar í þyngri kantinumMeira að segja margverðlaunað knattspyrnulið Brasilíu í kvennaflokki fékk að heyra það frá landsliðsþjálfara Kamerún eftir 5-0 sigur þeirra brasilísku í knattspyrnukeppni Ólympíuleikanna. „Brasilía þarf að bæta varnarleik sinn auk þess sem leikmenn liðsins virka í þyngri kantinum í mínum augum. Það gæti reynst þeim vandamál," voru orðin sem hann notaði til að lýsa hinu sigursæla liði Brasilíu í kvennaknattspyrnu. Fjölmargir pistlahöfundar, fréttamenn og íþróttaáhugafólk hafa svarað gagnrýni á borð við þá sem fjallað hefur verið um hér að ofan fullum hálsi. Zoe Smith, sem keppir fyrir hönd Breta í ólympískum lyftingum, hlaut mikið lof fyrir svör sín við sleggjudóma á samskiptasíðum þess efnis að hún liti ýmist út fyrir að vera samkynhneigð eða karlkyns. „Við lyftum ekki í þeim tilgangi að vera kynþokkafullar," sagði hin 18 ára Smith sem setti nýtt breskt met á leikunum í 58 kg flokki í ólympískum lyftingum. „Við, eins og allar konur með snefil af sjálfsvirðingu, viljum að mennirnir okkar hafi nógu mikið sjálfstraust til að finna ekki til minnimáttarkenndar vegna þess að við erum ekki aumar eða veiklulegar," sagði Smith og hefur verið hrósað í breskum fjölmiðlum. Áherslan á að vera mjó frekar en að vera í góðu formiThe Women's Sport and Fitness Foundation, Íþróttasamtök í Bretlandi sem miða að því að fjölga breskum kveníþróttaiðkendum, segja aðeins tólf prósent 14 ára breskra stelpna stunda nægilega mikla líkamsrækt. Framkvæmdastjóri samtakanna, Sue Tibballs, segir að rannsóknir bendi til að neikvæð ímynd kvenna um líkama sinn séu stöðug hindrun þess að stelpur stundi ekki líkamsrækt. Áherslan er umfram allt á að vera mjó en ekki í formi. „Kveníþróttafólk fær reglulega athugasemdir um útlit sitt sem karlpeningurinn er laus við," er haft eftir Tibballs. Hún telur pressuna á íþróttakonurnar aukast verulega af þessum sökum en þær eigi margar hverjar þegar við vandamál að stríða vegna áherslu á mataræði í leið þeirra á toppinn. Breska fjölþrautarkonan Hollie Avil, sem keppti á leikunum í Peking árið 2008, hætti keppni í afreksíþróttum í maí síðastliðnum heilsu sinnar vegna. Hún hafði þá glímt við ítrekuð átröskunarvandamál sem mátti, að minnsta kosti að hluta, rekja til reglulegra skilaboða frá þjálfara hennar að hún væri of feit. Myndir af íþróttakonunum sem minnst er á í umfjölluninni má sjá fyrir neðan myndina af Söru Robles. Fótbolti Frjálsar íþróttir Sund Mest lesið Leyndu því að yfir hundrað íþróttamenn höfðu fallið á lyfjaprófi Sport Robertson vildi ekki ræða Liverpool Fótbolti Reiddist Guðjóni og hætti í landsliðinu: „Þér er ekki fyrirgefið fyrir svona“ Fótbolti Hlakkar til að mæta syni Eiðs Smára Fótbolti Þarf að velja á milli Ólympíuleika og Onlyfans Sport Endurkomukóngarnir tryggðu sigur á lokasekúndunni Körfubolti Undrabarnið í aðalhlutverki í sýningu Spánverja Fótbolti „Menn eru búnir að læra“ Fótbolti Földu sig inn á klósetti í 27 klukkutíma og sáu úrslitaleikinn fritt Fótbolti Í bann fyrir að hylja skilaboð gegn hommafælni Fótbolti Fleiri fréttir Coco Gauff batt enda á franska ævintýrið „Minn draumur er að fá að spila í úrslitakeppninni“ Í bann fyrir að hylja skilaboð gegn hommafælni „Menn eru búnir að læra“ Robertson vildi ekki ræða Liverpool Rodgers skrifaði loks undir hjá Steelers Hlakkar til að mæta syni Eiðs Smára Endurkomukóngarnir tryggðu sigur á lokasekúndunni Leyndu því að yfir hundrað íþróttamenn höfðu fallið á lyfjaprófi Þarf að velja á milli Ólympíuleika og Onlyfans Dagskráin: Íslenska karlalandsliðið í fótbolta mætir Skotum Elín Klara og Reynir Þór valin best Til í að taka af sér tána til að komast fyrr inn á völlinn Földu sig inn á klósetti í 27 klukkutíma og sáu úrslitaleikinn fritt „Spenntur að spila á móti svona stórum gæjum“ Úsbekistan á HM í fótbolta í fyrsta sinn Undrabarnið í aðalhlutverki í sýningu Spánverja Segir nýja Brassann hjá Chelsea geta orðið eins góður og Lamine Yamal Gerðu markalaust jafntefli við Brasilíumenn Dómari í enska boltanum segist hata VAR Undrabarnið nú verðmætasti knattspyrnumaður heims Guðjóni Val tókst ekki að hjálpa löndum sínum Liverpool byrjar undirbúningstímabilið á móti Stefáni Teiti Sjúkraþjálfarinn fær stöðuhækkun hjá Þórsliðinu Hættur eftir að hafa spilað með 42 liðum Í bann eftir að hafa montað sig af dólgslátum Kerkez spilar ekki með Ungverjum: Sagður á leið til Liverpool að skrifa undir Allt snýst um McTominay í Skotlandi: „Reif Serie A í sig“ Reiddist Guðjóni og hætti í landsliðinu: „Þér er ekki fyrirgefið fyrir svona“ Forseti Como leyfir Inter ekki að tala við Fàbregas Sjá meira
Holley Mangold, keppandi í ólympískum lyftingum, er þyngsti kvenkeppandinn á Ólympíuleikunum í London. Mangold er 157 kg að þyngd og hefur glímt við gagnrýni um að svo þung kona geti varla talist afrekskona í íþróttum. Mangold, sem keppti í +75 kg flokki í ólympískum lyftingum, er ein fjölmargra kvenkyns ólympíufara sem hafa sætt gagnrýni úr ýmsum áttum fyrir að vera of þungar. Auk Mangold hafa sundkonurnar Rebecca Adlington og Leisel Jones, leikmenn kvennalandsliðs Brasilíu í knattspyrnu og meira að segja fjölþrautarkonurnar Jessica Ennis og Louise Hazel þurft að hlusta á fullyrðingar þess efnis að þær væru of þungar eða einfaldlega feitar. „Ég tel mig og liðsfélaga minn (Sarah Robles) hafa sýnt að íþróttafólk getur verið af öllum stærðum," segir hin 22 ára gamla Mangold í samtali við Reuters-fréttastofuna. Mangold, sem hafnaði í 10. sæti af 14 keppendum í þyngdarflokki sínum, segist stolt af þyngd sinni. Ólympíuleikar kvennaÓlympíuleikarnir í London hafa verið titlaðir „Leikar kvenna" enda kepptu konur í öllum íþróttagreinum leikanna í fyrsta skipti. Þá var þátttakendum í blakkeppni kvenna í fyrsta skipti gefin kostur á að klæðast öðru en bikiní. Því skýtur nokkuð skökku við að fremstu konur leikanna, jafnvel verðlaunahafar á leikunum, þurfi að hlýða á umræðu um holdarfar sitt. Ástralska sundkonan Leisel Jones, sem unnið hefur til þriggja gullverðlauna á Ólympíuleikum, var gagnrýnd fyrir leikana í London fyrir að virka þrekvaxnari en á leikunum í Peking fyrir fjórum árum. „Ég skammast mín fyrir að ástralskir fjölmiðlar hjóla í Leisel, einn sigursælasta Ólympíufara Ástrala frá upphafi. Styðjið við íþróttafólk en ekki draga úr því þróttinn," skrifaði Melanie Schlanger landi Jones og sundkona. Flýtur um í lauginni eins og flóðhesturVonarstjarna Breta Rebecca Adlington, tvöfaldur Ólympíumeistari í Peking árið 2008 sem vann til tveggja bronsverðlauna í London, sagðist í aðdraganda leikanna ekki ætla að skoða Twitter-ummæli á meðan á leikunum stæði. Ástæðan var sú að svo mörg ummælanna væru særandi athugasemdir um útlit hennar. Á augabragði fann undirritaður eftirfarandi ummæli frá ýmsum Twitter-notendum sem var snarað yfir á íslensku. „Feita Adlington, flýtur um í lauginni eins og flóðhestur" „Hefðir þú ekki verið svona feit hefðir þú unnið." „Í viðtölum minnir Rebecca Adlington mig á feitu ljóshærðu stelpuna sem varð í síðasta sæti í sjónvarpsþættinum Take Me Out" Ummæli sem þessi eru að sjálfsögðu og sem betur fer ekki algeng en gefa mögulega hugmynd um hvers konar gagnrýni og leiðindi Adlington vissi að biðu hennar fylgdist hún með Twitter á meðan á leikunum stæði. "Á að heita að þetta fólk sé að styðja okkur“Meira að segja breska fjölþrautarkonan, Jessica Ennis, fékk sinn skerf af gagnrýni ef marka má orð þjálfara hennar í aðdraganda leikanna. Að sögn Toni Minichiello, þjálfara Ennis, hélt ónafngreindur háttsettur embættismaður innan breska frjálsíþróttasambandsins því fram að Ennis væri feit og hefði „of mikla þyngd að bera" til að ná árangri á leikunum. Ennis átti ekki í vandræðum með að hrista þá gagnrýni af sér. „Það er fyndið að heyra þetta en það skiptir mig engu máli," var haft eftir Ennis í Daily Mail. Ennis gerði sér lítið fyrir og vann til gullverðlauna í sjöþraut á Ólympíuleikunum á laugardag. Liðsfélagi hennar í frjálsíþróttaliði Breta, Louise Hazel, segist einnig hafa fengið sinn skerf af gagnrýni frá aðilum innan frjálsíþróttasambandsins. „Ég hef fengið gagnrýnina frá fyrstu hendi, einnig frá fólki innan frjálsíþróttasambandsins sem á að heita að sé að styðja okkur. Að mínu mati er sum gagnrýnin til háborinnar skammar," sagði Hazel við Guardian. Brasilísku stelpurnar í þyngri kantinumMeira að segja margverðlaunað knattspyrnulið Brasilíu í kvennaflokki fékk að heyra það frá landsliðsþjálfara Kamerún eftir 5-0 sigur þeirra brasilísku í knattspyrnukeppni Ólympíuleikanna. „Brasilía þarf að bæta varnarleik sinn auk þess sem leikmenn liðsins virka í þyngri kantinum í mínum augum. Það gæti reynst þeim vandamál," voru orðin sem hann notaði til að lýsa hinu sigursæla liði Brasilíu í kvennaknattspyrnu. Fjölmargir pistlahöfundar, fréttamenn og íþróttaáhugafólk hafa svarað gagnrýni á borð við þá sem fjallað hefur verið um hér að ofan fullum hálsi. Zoe Smith, sem keppir fyrir hönd Breta í ólympískum lyftingum, hlaut mikið lof fyrir svör sín við sleggjudóma á samskiptasíðum þess efnis að hún liti ýmist út fyrir að vera samkynhneigð eða karlkyns. „Við lyftum ekki í þeim tilgangi að vera kynþokkafullar," sagði hin 18 ára Smith sem setti nýtt breskt met á leikunum í 58 kg flokki í ólympískum lyftingum. „Við, eins og allar konur með snefil af sjálfsvirðingu, viljum að mennirnir okkar hafi nógu mikið sjálfstraust til að finna ekki til minnimáttarkenndar vegna þess að við erum ekki aumar eða veiklulegar," sagði Smith og hefur verið hrósað í breskum fjölmiðlum. Áherslan á að vera mjó frekar en að vera í góðu formiThe Women's Sport and Fitness Foundation, Íþróttasamtök í Bretlandi sem miða að því að fjölga breskum kveníþróttaiðkendum, segja aðeins tólf prósent 14 ára breskra stelpna stunda nægilega mikla líkamsrækt. Framkvæmdastjóri samtakanna, Sue Tibballs, segir að rannsóknir bendi til að neikvæð ímynd kvenna um líkama sinn séu stöðug hindrun þess að stelpur stundi ekki líkamsrækt. Áherslan er umfram allt á að vera mjó en ekki í formi. „Kveníþróttafólk fær reglulega athugasemdir um útlit sitt sem karlpeningurinn er laus við," er haft eftir Tibballs. Hún telur pressuna á íþróttakonurnar aukast verulega af þessum sökum en þær eigi margar hverjar þegar við vandamál að stríða vegna áherslu á mataræði í leið þeirra á toppinn. Breska fjölþrautarkonan Hollie Avil, sem keppti á leikunum í Peking árið 2008, hætti keppni í afreksíþróttum í maí síðastliðnum heilsu sinnar vegna. Hún hafði þá glímt við ítrekuð átröskunarvandamál sem mátti, að minnsta kosti að hluta, rekja til reglulegra skilaboða frá þjálfara hennar að hún væri of feit. Myndir af íþróttakonunum sem minnst er á í umfjölluninni má sjá fyrir neðan myndina af Söru Robles.
Fótbolti Frjálsar íþróttir Sund Mest lesið Leyndu því að yfir hundrað íþróttamenn höfðu fallið á lyfjaprófi Sport Robertson vildi ekki ræða Liverpool Fótbolti Reiddist Guðjóni og hætti í landsliðinu: „Þér er ekki fyrirgefið fyrir svona“ Fótbolti Hlakkar til að mæta syni Eiðs Smára Fótbolti Þarf að velja á milli Ólympíuleika og Onlyfans Sport Endurkomukóngarnir tryggðu sigur á lokasekúndunni Körfubolti Undrabarnið í aðalhlutverki í sýningu Spánverja Fótbolti „Menn eru búnir að læra“ Fótbolti Földu sig inn á klósetti í 27 klukkutíma og sáu úrslitaleikinn fritt Fótbolti Í bann fyrir að hylja skilaboð gegn hommafælni Fótbolti Fleiri fréttir Coco Gauff batt enda á franska ævintýrið „Minn draumur er að fá að spila í úrslitakeppninni“ Í bann fyrir að hylja skilaboð gegn hommafælni „Menn eru búnir að læra“ Robertson vildi ekki ræða Liverpool Rodgers skrifaði loks undir hjá Steelers Hlakkar til að mæta syni Eiðs Smára Endurkomukóngarnir tryggðu sigur á lokasekúndunni Leyndu því að yfir hundrað íþróttamenn höfðu fallið á lyfjaprófi Þarf að velja á milli Ólympíuleika og Onlyfans Dagskráin: Íslenska karlalandsliðið í fótbolta mætir Skotum Elín Klara og Reynir Þór valin best Til í að taka af sér tána til að komast fyrr inn á völlinn Földu sig inn á klósetti í 27 klukkutíma og sáu úrslitaleikinn fritt „Spenntur að spila á móti svona stórum gæjum“ Úsbekistan á HM í fótbolta í fyrsta sinn Undrabarnið í aðalhlutverki í sýningu Spánverja Segir nýja Brassann hjá Chelsea geta orðið eins góður og Lamine Yamal Gerðu markalaust jafntefli við Brasilíumenn Dómari í enska boltanum segist hata VAR Undrabarnið nú verðmætasti knattspyrnumaður heims Guðjóni Val tókst ekki að hjálpa löndum sínum Liverpool byrjar undirbúningstímabilið á móti Stefáni Teiti Sjúkraþjálfarinn fær stöðuhækkun hjá Þórsliðinu Hættur eftir að hafa spilað með 42 liðum Í bann eftir að hafa montað sig af dólgslátum Kerkez spilar ekki með Ungverjum: Sagður á leið til Liverpool að skrifa undir Allt snýst um McTominay í Skotlandi: „Reif Serie A í sig“ Reiddist Guðjóni og hætti í landsliðinu: „Þér er ekki fyrirgefið fyrir svona“ Forseti Como leyfir Inter ekki að tala við Fàbregas Sjá meira