Íslenska U-18 ára landsliðið í körfuknattleik komst ekki í úrslitakeppni átta efstu liðanna í B-deild EM eftir tap gegn Finnum í kvöld, 86-78. Ísland leiddi í hálfleik, 49-45.
Martin Hermannsson var stigahæstur í íslenska liðinu með 20 stig. Matthías Sigurðarson skoraði 18 og Elvar Friðriksson 13.
Svartfjallaland og Finnland komust áfram með níu stig í riðlinum en Ísland og Svíþjóð fengu átta stig og sátu eftir með sárt ennið.
U-18 ára liðið komst ekki áfram
