Matthildur Ylfa og Helgi fengu viðurkenningu

Reykjavíkurborg og Íþróttabandalag Reykjavíkur afhentu í dag 400.000 kr. styrki til tveggja aðildarfélaga ÍBR vegna árangurs fatlaðra íþróttamanna.

Íþróttamennirnir eru Matthildur Ylfa Þorsteinsdóttir, ÍFR og Helgi Sveinsson, Ármanni sem bæði hafa tryggt sér þátttökurétt í frjálsum íþróttum á Ólympíumótinu í London.

Samanlagt hefur ÍBR og Reykjavíkurborg styrkt reykvískt íþróttafólk um 4.800.000 kr.- vegna farar þeirra til London 2012.

Meðfylgjandi mynd var tekin við skrifstofu Íþróttabandalags Reykjavíkur í Laugardalnum þegar að Eva Einarsdóttir, formaður ÍTR, og Frímann Ari Ferdinandsson, framkvæmdastjóri ÍBR afhentu styrkina íþróttamönnunum og forsvarsmönnum þeirra þeim Ólafi Magnússyni, framkvæmdastjóra Íþróttasambands fatlaðra, Jóni Þór Ólasyni, framkvæmdastjóra Ármanns og Garðari Steingrímssyni, formanni Íþróttafélags fatlaðra í Reykjavík.