Man. Utd slapp með skrekkinn

Michael Carrick skoraði eina mark leiksins er Man. Utd tók á móti Galatasaray í Meistaradeildinni. Man. Utd fór illa með færin sín í leiknum og var þess utan stálheppið að fá ekki á sig mark.

Strax í upphafi leiks átti Galatasaray að fá vítaspyrnu en ekkert var dæmt. Galatasaray átti líka að fá víti undir lokin en aftur sleppti Wolfgang Stark því að flauta.

United fékk þess utan víti í leiknum. Það tók Nani en vítið var ömurlegt og auðveldlega varið.

United slapp því með skrekkinn gegn spræku tyrknesku liði.