Millitengi fyrir vörur Apple dýrt og ljótt

Nýjasti snjallsími Apple, iPhone 5, leit dagsins ljós í gær. En afhjúpun Apple boðaði einnig endalok hvers einasta aukahlutar sem viðskiptavinir Apple hafa keypt fyrir raftæki sín.

Héðan í frá munu vörur Apple, þar á meðal iPhone, iPod og iPod Touch, búa yfir nýrri og endurbættri tengibraut. Því miður er þetta nýja tengi margfalt minna en á fyrri kynslóðum.

Þetta þýðir að þeir sem bíða í ofvæni eftir að klófesta iPhone 5 neyðast til að kaupa millitengi til að nota eldri aukahluti.

Sérfræðingar og neytendur virðast þó ekki vera hrifnir af millitenginu. Það þykir bæði ljótt og dýrt en það kostar tæpa þrjátíu dollar eða það sem nemur 3.600 íslenskum krónum.