AC Milan komst upp í áttunda sæti ítölsku úrvalsdeildarinnar í kvöld er liðið lagði Genoa, 1-0, á heimavelli. Þetta var aðeins þriðji sigur Milan í deildinni í vetur.
Það gekk illa hjá Milan að brjóta niður varnarmúr Genoa og markið kom ekki fyrr en korteri fyrir leikslok.
Það var afmælisbarnið Stephan El Shaarawy sem skoraði markið en hann er tvítugur í dag.
Genoa er í þrettánda sæti deildarinnar.
