NFL: Meistararnir frábærir gegn Packers

Eli Manning sýndi allar sínar bestu hliðar þegar að NFL-meistararnir í New York Giants unnu afar sannfærandi sigur á sterku liði Green Bay Packers.

Manning hafði verið í mikilli lægð í undanförnum leikjum og Giants hafði tapað síðustu tveimur leikjum sínum í deildinni. Að sama skapi var Packers-liðið á mikilli siglingu eftir fimm sigra í röð.

Þessi lið mættust í úrslitakeppninni í fyrra. Þá vann Giants nokkuð óvæntan sigur, fór svo alla leið og vann titilinn.

Green Bay var hins vegar án sterkra varnarmanna í leiknum í nótt sem Manning og félagar hans nýttu sér til hins ítrasta. Giants gerði út um leikinn strax í fyrri hálfleik en staðan að honum loknum var 31-10.

Manning átti þrjár snertimarkssendingar í leiknum og er nú kominn með alls 200 slíkar á ferlinum. Það er félagsmet hjá Giants.

Líklegt er að bæði lið komist í úrslitakeppnina en Giants er á toppnum í sínum riðli með nokkuð þægilega forystu á önnur lið. Green Bay er hins vegar í öðru sæti í sínum riðli, á eftir Chicago Bears sem hafði betur gegn Minnesota Vikings í gær.

Baltimore Ravens vann dramatískan sigur á San Diego í framlengingu og er með næstbestan árangur allra liða í Ameríkudeildinni, á eftir Houston Texans.

Í Þjóðardeildinni eru Atlanta Falcons og San Francisco 49ers með bestan árangur allra liða en bæði unnu sína leiki um ehglina.

Úrslit gærdagsins:

Chicago - Minnesota 28-10

Cincinnati - Oakland 34-10

Cleveland - Pittsburgh 20-14

Indianapolis - Buffalo 20-13

Jacksonville - Tennesse 24-19

Kansas City - Denver 9-17

Miami - Seattle 24-21

Tampa Bay - Atlanta 23-24

San Diego - Baltimore 13-16

Arizona - St. Louis 17-31

New Orleans - San Francisco 21-31

New York Giants - Green Bay 38-10

Staðan:

Ameríkudeildin:

Austurriðill:

(sigrar-töp)

New England 8-3

Miami 5-6

NY Jets 4-7

Buffalo 4-7

Norðurriðill:

Baltimore 9-2

Pttsburgh 6-5

Cincinnati 6-5

Cleveland 3-8

Suðurriðill:

Houston 10-1

Indianapolis 7-4

Tennessee 4-7

Jacksonville 2-9

Vesturriðill:

Denver 8-3

San Diego 4-7

Oakland 3-8

Kansas City 1-10

Þjóðardeildin:

Austurriðill:

NY Giants 7-4

Washington 5-6

Dallas 5-6

Philadelphia 3-7

Norðurriðill:

Chicago 8-3

Green Bay 7-4

Minnesota 6-5

Detroit 4-7

Suðurriðill:

Atlanta 10-1

Tampa Bay 6-5

New Orleans 5-6

Carolina 2-8

Vesturriðill:

(sigrar-töp-jafntefli)

San Francisco 8-2-1

Seattle 6-5-0

St. Louis 4-6-1

Arizona 4-7