Leik Dinamo-liðanna framhaldið | Leikur stöðvaður vegna snjókomu

Stanislav Todorov, dómari frá Búlgaríu, stöðvaði leik Dinamo Zagreb og Dynamo Kiev í Meistaradeild Evrópu vegna snjókomu. Eftir að línur vallarins höfðu verið málaðar í rauðum lit var leik framhaldið.

Todorov blés í flautu sína eftir níu mínútna leik og leiddi leikmenn liðanna af velli. Óvissa ríkti hvort leik liðanna yrði frestað en útlit er fyrir að leikið verði til þrautar.

Leikur liðanna, sem eru ásamt Porto og PSG í A-riðli, er þýðingarlaus. Kænugarðsmenn hafa tryggt sér þriðja sæti riðilsins en heimamenn í Zagreb hafa ekki náð í stig og sitja á botni riðilsins.