Fjögur félög efst og jöfn í körfunni - úrslit kvöldsins

Þór og Snæfell unnu bæði leiki sína í tólftu umferð Dominosdeildar karla í körfubolta í kvöld sem þýðir að fjögur félög eru nú efst og jöfn í deildinni með 18 stig hvert félag. Þórsarar komust í toppsætið á innbyrðisviðureignum eftir eins stigs sigur á Njarðvík, 84-83, í Ljónagryfjunni í Njarðvík.

Eftir leiki kvöldsins hafa Þór, Grindavík, Snæfell og Stjarnan öll 18 stig en þau hafa unnið níu af fyrstu tólf leikjum sínum. Liðin raðast því í efstu fjögur sætin eftir úrslit í innbyrðisleikjum þessara fjögurra liða og þar kom Þórsarar best út.

Þórsarar voru með frumkvæðið í Njarðvík frá fyrsta leikhluta. þeir voru 21-16 yfir eftir hann og með þrettán stiga forskot í hálfleik, 49-36 þar sem Benjamin Curtis Smith var þegar kominn með 17 stig og 7 stoðsendingar.

Þórsarar virtist í góðum málum í lok þriðja leikhlutans þegar þeir voru með fjórtán stiga forskot, 66-52 en Njarðvíkingar unnu fjórða leikhlutann 31-18 og voru hársbreidd frá því í lokin að tryggja sér framlengingu eða jafnvel sigur. Ágúst Orrason átti síðasta skotið en það geigaði.

Smith endaði leikinn með 22 stig og 12 stoðsendingar en David Jackson var með 21 stig og 11 fráköst. Darri Hilmarsson skoraði 16 stig og Guðmundur Jónsson var með 13 stig. Nigel Moore skoraði 28 stig fyrir Njarrðvík og Elvar Már Friðriksson var með 20 stig og 7 stoðsendingar.

Úrslit og stigaskor í leikjum kvöldsins:

ÍR-Snæfell 93-102 (16-26, 28-22, 19-17, 24-22, 6-15)

ÍR: Eric James Palm 34/5 fráköst, Hreggviður Magnússon 20/6 fráköst, D'Andre Jordan Williams 12, Sveinbjörn Claessen 9/6 fráköst, Nemanja Sovic 7, Ellert Arnarson 7, Vilhjálmur Theodór Jónsson 3/5 fráköst, Hjalti Friðriksson 1/8 fráköst

.

Snæfell: Ólafur Torfason 25, Pálmi Freyr Sigurgeirsson 18/4 fráköst, Jay Threatt 15/4 fráköst/10 stoðsendingar, Jón Ólafur Jónsson 15/17 fráköst, Asim McQueen 14/12 fráköst, Sveinn Arnar Davíðsson 7, Sigurður Á. Þorvaldsson 5, Hafþór Ingi Gunnarsson 3/4 fráköst.



Njarðvík-Þór Þ. 83-84 (16-21, 20-28, 16-17, 31-18)

Njarðvík: Nigel Moore 28/5 fráköst, Elvar Már Friðriksson 20/7 stoðsendingar, Maciej Stanislav Baginski 15/4 fráköst, Ágúst Orrason 8/4 fráköst, Hjörtur Hrafn Einarsson 7/6 fráköst, Friðrik E. Stefánsson 3/4 fráköst, Marcus Van 2/5 fráköst.

Þór Þ.: Benjamin Curtis Smith 22/7 fráköst/12 stoðsendingar, David Bernard Jackson 21/11 fráköst, Darri Hilmarsson 16/6 fráköst, Guðmundur Jónsson 13/5 fráköst, Darrell Flake 11/4 fráköst, Emil Karel Einarsson 1.