Hvað varstu að hugsa drengur?

Sergio Asenjo, markvörður Atletico Madrid, gerði sig sekan um hræðileg mistök í leik liðsins gegn Rubin Kazan í Evrópudeildinni í gær.

Undir lok leiksins, í stöðunni 0-1 fyrir Kazan, ákvað Asenjo að bregða sér í sóknina. Það hefði hann látið ógert því Kazan náði boltanum og skoraði í tómt markið.

Það sem gerir þessa ákvörðun svona glórulausa er sú staðreynd að liðin eiga eftir að mætast á ný í 32-liða úrslitum keppninnar.

Þökk sé Asenjo er róður spænska liðsins í seinni leiknum afar þungur.

Hægt er að sjá markið skemmtilega hér að ofan.