Fimm leikir fara fram í kvöld í 20. umferð Domnios-deildar karla í körfubolta en eftir þessa umferð eru eiga liðin aðeins tvo leiki eftir.
Það verður hægt að fylgjast með fjórum af fimm leikjum kvöldsins í beinni útsendingu á netinu því Sport-TV, Tindastóll-TV, KFÍ-TV og KR-TV sýna leiki í kvöld. Þetta kemur fram á heimasíðu KKÍ.
Það er bara Vesturlandsslagurinn milli Skallagríms og Snæfells sem verður ekki í beinni en það má búast við troðfullu Fjósi í kvöld.
Sport-TV sýnir stórleik Keflavíkur og Þórs úr Þorlákshöfn. Þórsliðið er í 2. sæti fjórum stigum á undan Keflavík en hefur misst tvo lykilmenn í meiðsli. Keflavík hefur tapað tveimur síðustu leikjum sínum en á enn möguleika á að krækja í heimavallarrétt í úrslitakeppninni.
KR-ingar taka á móti bikarmeisturum Stjörnunnar í DHL-höllinni en Finnur Freyr Stefánsson, þjálfari kvennaliðsins, mun stýra karlaliðinu í fyrsta sinn í kvöld.
Tindastóll (á móti Njarðvík) og KFÍ (á móti Grindavík) eiga bæði erfiða leiki en eru á heimavelli og þurfa helst sigur til þess að eiga möguleika á því að komast í úrslitakeppnina.
Leikir kvöldsins: (Hefjast allir klukkan 19.15)
Keflavík - Þór Þ., Toyota höllin í Keflavík
Tindastóll - Njarðvík, Síkið á Sauðárkróki
KFÍ - Grindavík, Jakinn á Ísafirði
KR - Stjarnan, DHL-höllin í Frostaskjóli
Skallagrímur - Snæfell, Fjósið í Borgarnesi
Arsenal
Chelsea
