Cech: Leikurinn gegn Man. Utd gaf okkur sjálfstraust

Chelsea vann upp 1-0 forskot Steaua frá Búkarest í Evrópudeildinni í kvöld. Liðið fékk á sig mark á heimavelli, þurfti því að skora þrjú mörk og það tókst.

"Þegar staðan var orðin 1-1 þá hugsuðum við til leiksins gegn Man. Utd þar sem við þurftum að skora tvö mörk. Við trúðum því að við gætum skorað mörkin sem til þurfti," sagði markvörður Chelsea, Petr Cech.

Hann hrósaði félaga sínum Fernando Torres sem bæði skoraði og klúðraði víti í leiknum.

"Fernando hefur verið að leggja hart að sér. Hann skoraði gott mark og því miður var heppnin ekki með honum í vítinu. Við skoðuðum samt þrjú mörk og gerðum það sem til þurfti.

"Allir leikir hjá okkur þessa dagana eru úrslitaleikur. Við erum að elta þriðja sætið í ensku deildinni og erum líka í Evrópudeildinni og enska bikarnum. Þetta er ekki auðvelt en við verðum að berjast áfram."