Þessi lið verða í Meistaradeildar-pottinum á morgun

Í kvöld varð það endanlega ljóst hvaða 32 félög verða í pottinum þegar dregið verður í riðla í Meistaradeildinni á morgun. Fimm síðustu félögin tryggði sér farseðillinn í kvöld en í gær komust einnig fimm önnur félög áfram upp úr umspilinu.

22 önnur félög tryggðu sér sæti í riðlakeppninni með árangri sínum í heimalandinu á síðustu leiktíð en tíu lið komust eins og áður sagði inn í riðlakeppnina í gegnum umspilið og þar á meðal voru FH-banarnir í Austria Vín. Austria Vín er eina félagið sem hefur ekki tekið þátt áður í riðlakeppni Meistaradeildarinnar.

Tvö Íslendingalið verða í pottinum en það eru Ajax Amsterdam frá Hollandi og FC Kaupmannahöfn frá Danmörku.

Ensku liðin eru áberandi í fyrsta styrkleikaflokknum en þar eru Chelsea, Manchester United og Arsenal. Spánn á tvö lið í fyrsta flokki en það eru Barcelona og Real Madrid en sömu sögu er að segja af Portúgal því bæði Porto og Benfica verða í fyrsta styrkleikaflokki í drættinum á morgun.

Drátturinn verður á morgun og hefst klukkan 15.45 að íslenskum tíma. Það verður hægt að fylgjast með drættinum hér á Vísi. Hér fyrir neðan má sjá hvernig raðast í styrkleikaflokkana en eitt lið úr hverjum flokki er í hverjum riðli.



Styrkleikaröðunin fyrir dráttinn í riðla Meistaradeildarinnar 2013-14:

Fyrsti styrkleikaflokkur:

Bayern München frá Þýskalandi

Barcelona frá Spáni

Chelsea frá Englandi

Real Madrid frá Spáni

Manchester United frá Englandi

Arsenal frá Englandi

Porto frá Portúgal

Benfica frá Portúgal

Annar styrkleikaflokkur:

Atlético Madrid frá Spáni

Schachtar Donezk frá Úkraínu

AC Milan frá Ítalíu

Schalke frá Þýskalandi

Marseille frá Frakklandi

CSKA Moskau frá Rússlandi

Paris Saint-Germain frá Frakklandi

Juventus frá Ítalíu

Þriðji styrkleikaflokkur:

Zenit St-Pétursburg frá Rússlandi

Manchester City frá Englandi

Ajax Amsterdam frá Hollandi

Borussia Dortmund frá Þýskalandi

Basel frá Sviss

Olympiakos frá Grikklandi

Galatasaray frá Tyrklandi

Bayer Leverkusen frá Þýskalandi

Fjórði styrkleikaflokkur:

FC Kaupmannahöfn frá Danmörku

Napoli frá Ítalíu

Anderlecht frá Belgíu

Celtic frá Skotlandi

Steaua Bukarest frá Rúmeníu

Viktoria Pilsen frá Tékklandi

Real Sociedad frá Spáni

Austria Vín frá Austurríki