Steinþór Freyr skoraði í jafntefli | Matthías heldur áfram að skora

Steinþór Freyr Þorsteinsson og Matthías Vilhjálmsson voru báðir á skotskónum í norsku úrvalsdeildinni í dag.

Steinþór skoraði fyrsta mark leiksins í 1-1 jafntefli Sandnes Ulf á heimavelli gegn Lilleström. Steinþór spilaði allar 90 mínútur leiksins en Lilleström náði að jafna á síðustu mínútu leiksins. Grátlegt fyrir Sandnes sem hefðu með sigri gengið langt með að tryggja sæti sitt í deildinni á næsta tímabili.

Matthías Vilhjálmsson skoraði sitt sjötta mark í síðustu fjórum leikjum í 3-2 sigri á Tromsö. Með sigrinum ná Start að spyrna sér örlítið frá botnbaráttunni. Matthías kom Start í 3-0 sem reyndist vera úrslitamark leiksins þar sem Tromsö náði að minnka muninn í 3-2.