Tottenham er í flottum málum í sínum riðli í Evrópudeildinni í fótbolta eftir 2-0 útisigur á rússneska liðinu AZhi í Moskvu í kvöld. Bæði mörk Tottenham-manna komu í fyrri hálfleiknum.
Tottenham hefur unnið tvo fyrstu leiki sína í Evrópudeildinni og markatalan er 5-0. Liðið hefur nú fimm stiga forskot á liðinu í 3. og 4. sæti í riðlinum og það ætlar að verða lítið mál fyrir Gylfa Þ'or Sigurðsson og tryggja sér sæti í 32 liða úrslitum keppninnar.
Gylfi Þór Sigurðsson byrjaði á bekknum í þessum leik en fékk að spila síðustu tuttugu mínúturnar þegar hann kom inn fyrir Érik Lamela.
Jermain Defoe skoraði fyrra markið á 34. mínútu með fagmannlegri afgreiðslu í teignum eftir sendingu frá Lewis Holtby,
Nacer Chadli bætti við öðru marki með hnitmiðuðu skoti úr teignum fimm mínútum síðar eftir sendingu frá bakverðinum Kyle Walker.
Gylfi spilaði í 20 mínútur í öruggum sigri Tottenham
Óskar Ófeigur Jónsson skrifar

Mest lesið


John Andrews um uppsögnina: „Kom mér mjög á óvart“
Íslenski boltinn

Vildi fleiri mínútur og stærra hlutverk
Körfubolti






