Meðalverð miða á leik kvöldsins rúmar 260 þúsund krónur

Úrslitin í bandaríska hafnaboltanum, World Series, standa nú yfir og Boston Red Sox getur tryggt sér titilinn í kvöld.

Eins og búast mátti við er slegist um miða á leikinn sem gæti orðið sögulegur.

Meðalverð miða á leik kvöldsins er 263 þúsund krónur en það gerir leikinn að einum dýrasta íþróttaviðburði í sögu borgarinnar.

Ódýrustu miðarnir á Fenway Park í kvöld eru á rúmlega 100 þúsund krónur. Dýrustu miðarnir í VIP-stúku eru að fara á rúmar 5 milljónir króna.

Áratugalöng bið Red Sox eftir titli lauk árið 2005 og liðið vann svo aftur árið 2007. Það vilja eðlilega allir vera á staðnum ef liðið verður aftur meistari í nótt.