Kári og Aníta í aðalhlutverkum á NM í Laugardalnum

Norðurlandameistaramótið í víðavangshlaupum fer fram í Laugardalnum í dag og það er útlit fyrir spennandi keppni. Fremst í flokki íslenska liðsins verða stjörnuhlaupararnir Kári Steinn Karlsson og Aníta Hinriksdóttir sem reyna sig við bestu hlaupara annarra Norðurlanda.

Kári Steinn Karlson leiðir íslenska karlaliðið en hann vann til bronsverðlauna fyrir tveimur árum í þessari keppni.

Aníta Hinriksdóttir keppir í unglingaflokki og vann einnig til bronsverðlauna í þessu móti í Danmörku í fyrra. Hún fær hins vegar mikla keppni frá Oona Kettunen frá Finnlandi sem sigraði EM í 3000 metra hindrunarhlaupi í sumar.

Fyrsta hlaup hefst klukkan eitt en það síðasta klukkan fimmtán.

Þetta verður fyrsta alþjóðlega víðavangshlaupið sem fram fer í Reykjavík en íslenska liðið skipa 20 manns og því sem næst allt okkar besta fólk mætir til leiks.

Íslenska liðið er skipað eftirtöldum einstaklingum:

 

Karlar  (fæddir 1993 og fyrr) 9,0 km:

Kári Steinn Karlsson, 1986

Þorbergur Ingi Jónsson, 1982

Ármann Eydal Albertsson, 1981

Arnar Pétursson, 1993

Björn Margeirsson, 1979

 

Konur (fæddar 1993 og fyrr) 7,5 km:

Arndís Ýr Hafþórsdóttir,  1988

Íris Anna Skúladóttir, 1989

Fríða Rún Þórðardóttir, 1971

María Kristín Gröndal, 1980

Ebba Særún Brynjarsdóttir, 1982

 

Ungkarlar  (fæddir 1994 og síðar) 6,0 km:

Ingvar Hjartarson, 1994

Sæmundur Ólafsson, 1995

Þór Daníel Hólm, 1996

Davíð Erik Mollberg, 1994

Bjarki Freyr Rúnarsson, 1994

 

Ungkonur (fæddar 1994 og síðar) 4,5 km:

Aníta Hinriksdóttir, 1996

Helga Guðný Elíasdóttir, 1994

María Birkisdóttir, 1995

Andrea Kolbeinsdóttir, 1999

Málfríður Anna Eiríksdóttir, 1997