Tvöfaldur slagur Keflavíkur og Grindavíkur

Það verður sannkallaður risaslagur í 16-liða úrslitum Powerade-bikars karla í körfubolta þegar Keflavík fær Grindavík í heimsókn.

Ekki verður minna barist þegar b-lið Keflavíkur sækir ÍG, b-lið Grindavíkur, heim. Í b-liði Keflavíkur eru gamlar kempur á borð við Guðjón Skúlason og Gunnar Einarsson. Í liði Grindavíkur má meðal annars finna hinn margreynda landsliðsmann Guðmund Bragason.

Dregið var í 16-liða úrslitin í karla- og kvennaflokki í dag í Íþróttamiðstöðinni í Laugardal. Bikarmeistarar Stjörnunnar í karlaflokki sækja Njarðvík heim. Bikarmeistarar Keflavíkur í kvennaflokki sitja hins vegar hjá og koma inn í keppnina í 8-liða úrslitum.

Leikina má sjá hér að neðan.

Viðureignirnar í karlaflokki:

Keflavík - Grindavík

ÍG - Keflavík b

Haukar - Snæfell

Fjölnir - FSu

ÍR - Þór Akureyri

Njarðvík - Stjarnan

Tindastóll - Reynir Sandgerði

Skallagrímur - Þór Þorlákshöfn

Viðureignirnar í kvennaflokki:

Breiðablik - Fjölnir

Stjarnan - Grindavík

Njarðvík - FSu

Valur - Hamar

Tindastóll - Snæfell

Þór Akureyri - KR

Haukar og Keflavík sitja hjá í 16-liða úrslitum í kvennaflokki.